![GSH APP](http://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](http://gazetashqiptare.al/wp-content/uploads/2022/04/android-app.png)
Dy shqiptarë janë vrarë këtë të mërkurë në Itali dhe në Spanjë. Sipas mediave italiane, një 32-vjeçar shqiptar i identifikuar si Arben Kola është dhunuar për vdekje gjatë një sherri në një lokal. Ngjarja ka ndodhur në Viale Teosa të Italisë.
Sipas mediave vendase, 32-vjeçari, baba i dy fëmijëve u dërgua në spital në gjendje të rëndë, por nuk mundi të mbijetonte për shkak të plagëve që kishte në trup. Autor i kësaj ngjarje është gjithashtu një 26-vjeçae shqiptar. Pas krimit ai u arratis, por u arrestua pak orë më vonë nga policia.
Ende janë të paqarta rrethanat në të cilat ka ndodhur ngjarja, por nga të dhënat e para dyshohet se 32 vjeçarit i ka rënë koka në trotuar pas sherrit me 26-vjeçarin.
Ndërkohë, një emigrant shqiptar në Spanjë i identifikuar si Fatmir A., është ekzekutuar me armë zjarri. Lajmi bëhet i ditur nga mediat spanjolle, të cilat shkruajnë se ngjarja e rëndë ka ndodhur në Reus të provincës Tarragona në Katalonjë dhe viktima është rreth 43 vjeç.
Pas mesnate, rreth orës 00:45 të ditës së sotme, banorët vendas njoftuan policinë se kishin dëgjuar të shtëna me armë zjarri.
Kur shkuan në vendngjarje, autoritetet gjetën të shtrirë në tokë një person, i cili pas verifikimeve rezultoi të jetë me origjinë shqiptare. Ai kishte disa plagë në trup të shkaktuara nga armët e zjarrit.